උගනිව්…
සරලම දේ උගනිව්…
තොප යුගය එළඹ ඇත…
ඉගෙනුමට පමා නැත…
උගනිව්.
අයනු ආයනු
ඒ මදි බව සැබැවි…
එහෙත් උගනිව් හෝඩිය…
අධෛර්යමත් නොවව්…
දියත් කරව් නැණ නැව…
කරව් තරණය – විදු සයුර අපරිමිත
උදුරාගනිව් නායකත්වය…!
අනාථය හදාරව – අනාථාගාරයෙහි
සිරකරුව හදාරව – බන්ධනාගාරයෙහි
ගෘහණියනි හදාරව – කුස්සියෙහි
හැට පිරුණත් හදාරව…
ඉහට වහළක් නැතත් සොයව් විදුහල…
ගත වෙව්ලන සීතලෙන්
මොළවව් ඥාන අග්නිය…
සා පිපාසා පහරන
ගනිව් පොත සුරතට
උදුරාගනිව් නායකත්වය…!
නොබා විමසව – සොහොයුරනි…
නොවිකිණෙව් උන්හට…
බලා තමා දෙස
නොදත් බව දැනගනිව්…
හොය හොයා නොදත් දේ
රැස් කරව් ඥාන ධන…
උදුරාගනිව් නායකත්වය…!
